કેબીએસ કોમર્સ એન્ડ નટરાજ પ્રોફેશનલ સાયન્સિસ કોલેજ, વાપી ખાતે ચાર્ટર્ડ એકાઉન્ટન્ટ ડેની ઉજવણી।
1 
0 અત્રે ચણોદ સ્થિત KBS કોમર્સ અને નટરાજ પ્રોફેશનલ સાયન્સિસ કોલેજ ખાતે 1 લી જુલાઈ 2024 નાં રોજ 100 થી વધુ વિદ્યાર્થીઓની હાજરીમાં ચાર્ટર્ડ એકાઉન્ટન્ટ ડેની ઉજવણી કરી હતી. ઈવેન્ટનો મુખ્ય ઉદ્દેશ્ય વિદ્યાર્થીઓને તેમના ઉચ્ચ અભ્યાસના ભાગરૂપે ચાર્ટર્ડ એકાઉન્ટન્ટની ડિગ્રી મેળવવા માટે પ્રેરિત કરવાનો અને CA વ્યવસાય વિશે જાગૃતી લાવવાનો હતો. ઇવેન્ટમાં આદરણીય મુખ્ય વક્તાઓ જેમાં સી.એ. છાયા કોઠારી, સી.એ. હેતલ ભાનુશાલી, સી.એ. નાઝીમ પંજવાણી, સી.એ. અમિત ગોયલ, સી.એ. પાયલ તિવારી હાજર રહ્યા હતા. દરેક વક્તાએ આજના ગતિશીલ આર્થિક વાતાવરણમાં CA વ્યવસાયના મહત્વ પર ભાર મૂકતા તેમની મૂલ્યવાન આંતરદૃષ્ટિ અને અનુભવો શેર કર્યા હતા. તેઓએ સખત તાલીમ, સમર્પણ અને ચાર્ટર્ડ એકાઉન્ટ માટે ઉપલબ્ધ અસંખ્ય તકોની ચર્ચા કરી, જેનો ઉદ્દેશ્ય વિદ્યાર્થીઓને કારકિર્દીના આ પ્રતિષ્ઠિત માર્ગને ધ્યાનમાં લેવા પ્રેરણા આપવાનો હતો. વિદ્યાર્થીઓએ સક્રિયપણે વક્તાઓ સાથે જોડાઈને CA વ્યવસાયની ભૂમિકાઓ અને જવાબદારીઓની ઊંડી સમજ મેળવી હતી. આ ઈવેન્ટ સફળતાપૂર્વક દર્શાવે છે કે KBS કોમર્સ અને નટરાજ પ્રોફેશનલ સાયન્સિસ કોલેજ તેના વિદ્યાર્થીઓને ગુણવત્તાયુક્ત શિક્ષણ અને કારકિર્દી માર્ગદર્શન આપવા માટે પ્રતિબદ્ધ છે. આમ સમગ્ર કાર્યક્રમ સફળ રહેતા કૉલેજનાં આચાર્ય ડૉ. પૂનમ બી. ચૌહાણ એ કૉલેજના આસીસ્ટન્ટ પ્રોફેસર CMA જીજ્ઞેશ પારેખનો વિદ્યાર્થીઓ નાં હિત માટે આ કાર્યક્રમના આયોજન માટે આભાર વ્યક્ત કર્યો હતો અને વિદ્યાર્થીઓ ને ભવિષ્યમાં ઉચ્ચ અભ્યાસ માટે CA કોર્સની પસંદગી કરે એવી આશા સાથે શુભેચ્છા પાઠવી હતી।
Average Rating