કેબીએસ કોમર્સ અને નટરાજ પ્રોફેશનલ સાયન્સિસ કોલેજ, વાપી ખાતે IT નાં વિદ્યાર્થીઓ માટે નિષ્ણાત tech talk નો કાર્યક્રમ યોજાયો।
1 
0 અત્રે ચણોદ સ્થિત કેબીએસ કોમર્સ અને નટરાજ પ્રોફેશનલ સાયન્સિસ કોલેજ, વાપી ખાતે “મા ફાઉન્ડેશન” વાપી દ્વારા IT ક્ષેત્રના વિદ્યાર્થીઓ માટે એક નિષ્ણાત tech talk નું આયોજન કરવામાં આવ્યું હતું. આ કાર્યક્રમમાં વાપીની વિવિધ કોલેજોના 120 થી વધુ વિદ્યાર્થીઓએ ભાગ લીધો હતો. આ કાર્યક્રમના વક્તા શ્રી યશ સોમૈયા હતા, જેઓ IT ક્ષેત્રે બહોળો અનુભવ ધરાવતા નિષ્ણાત છે. તેમના વ્યાખ્યાનમાં ડેટા એન્જીનીયરીંગના સ્કોપ અને IT ઉદ્યોગમાં કારકિર્દીની તકો આવરી લેવામાં આવી હતી. શ્રી સોમૈયાએ પોતાની મૂલ્યવાન આંતરદૃષ્ટિ અને વ્યવહારુ જ્ઞાનનાં આધારે વિદ્યાર્થીઓને IT ક્ષેત્રે ઉપલબ્ધ વિશાળ સંભવિત અને વૈવિધ્યસભર કારકિર્દીના માર્ગોને સમજવામાં મદદ કરી હતી. આ ઇવેન્ટે વિદ્યાર્થીઓને ઉદ્યોગ નિષ્ણાતો સાથે વાર્તાલાપ કરવા માટે એક પ્લેટફોર્મ પૂરું પાડયું હતું અને ડેટા એન્જિનિયરિંગની તેમની સમજમાં વધારો કર્યો અને તેમને આ ઝડપથી વિકસતા ક્ષેત્રમાં કારકિર્દી બનાવવા માટે પ્રેરણા આપી.કૉલેજના પ્રિન્સિપાલ ડૉ. પૂનમ ચૌહાણે વિદ્યાર્થીઓના વિકાસ માટે કોલેજ કેમ્પસમાં આવા જ્ઞાનવર્ધક કાર્યક્રમોનું આયોજન કરવા બદલ “મા ફાઉન્ડેશન” નો આભાર વ્યક્ત કર્યો હતો।
Average Rating