વાપી મહાનગરપાલિકા દ્વારા શહેરના વિવિધ સ્થળોએ પાંચ નવી આંગણવાડીના મકાનોનું નિર્માણ કાર્ય રૂ.૧.૨૫ કરોડના ખર્ચે હાથ ધરેલ છે।
1 
0 
વાપી મહાનગરપાલિકા દ્વારા શહેરના વિવિધ સ્થળોએ પાંચ નવી આંગણવાડીના મકાનોનું નિર્માણ કાર્ય રૂ.૧.૨૫ કરોડના ખર્ચે હાથ ધરેલ છે।જેમાં હાલના તબક્કે વાપી મનપા દ્વારા અલકાપુરી-૧, કરવાડ આદર્શનગર-૧, નામધા આમલ ફળિયા, કુંતા હળપતિ નિવાસ, કુંતા વડોલી ફળિયા વિસ્તારમાં કામગીરી કરવામાં આવી રહી છે. જેનો મુખ્ય ઉદ્દેશ્ય બાળપણની સંભાળ અને શિક્ષણ માટે સલામત, આધુનિક અને બાળ-મૈત્રીપૂર્ણ વાતાવરણ પૂરું પાડવાનો છે.આ પહેલનો હેતુ 3 થી 6 વર્ષની વય જૂથના બાળકો માટે સુધારેલ માળખાકીય સુવિધાઓ પ્રદાન કરીને શિક્ષણનો પાયો મજબૂત કરવાનો છે. દરેક આંગણવાડી ખાતે સુંદર ભીંતચિત્રો સહિતનો રૂમ, રમતના સાધનો તથા સ્વચ્છ પીવાનું પાણી અને સ્વચ્છતા સુવિધાઓ જેવી આવશ્યક સુવિધાઓથી સજ્જ હશે, જે શિક્ષણ અને વિકાસ માટે એક સર્વાંગી વાતાવરણ સુનિશ્ચિત કરશે.વાપી મનપાના મ્યુ.કમિશ્નરશ્રી યોગેશ ચૌધરી, IAS ના માર્ગદર્શન હેઠળ આંગણવાડીના પ્રોજેક્ટસની કામગીરી ચાલી રહેલ છે. જેનો મુખ્ય ઉદ્દેશ્મ પ્રાથમિક શિક્ષણને પ્રોત્સાહન આપવા અને વધુ સારી માળખાકીય સુવિધાઓ અને સહાયક સેવાઓ દ્વારા બાળકો અને માતાઓની સુખાકારી વધારવા માટે કોર્પોરેશનની પ્રતિબદ્ધતાને પ્રતિબિંબિત કરે છે.હાલે આંગણવાડીનું બાંધકામ કાર્ય તબક્કાવાર રીતે બહુવિધ વોર્ડમાં હાથ ધરવામાં આવી રહ્યું છે, જે તમામ સમુદાયો માટે સુલભતા સુનિશ્ચિત કરે છે. આ આંગણવાડીઓ સંકલિત બાળ વિકાસ સેવાઓ (ICDS) યોજના હેઠળ પ્રારંભિક શિક્ષણ અને પોષણ સહાય માટે મોડેલ કેન્દ્રો તરીકે સેવારત કરવાનો હેતુ છે.વાપી મ્યુનિસિપલ કોર્પોરેશન શહેરના ઉજ્જવળ અને વધુ શિક્ષિત ભવિષ્યને પ્રોત્સાહન આપવા માટે સતત પ્રયત્તશીલ છે અને બાળપણથી જ યુવાધન માટે એક ઉન્નત પાયો પુરો પાડવા પ્રતિબદ્ધ છે।
Average Rating