ગુજરાત રાજ્ય સંસ્કૃત બોર્ડના અધ્યક્ષ શ્રી હિમાંજય પાલીવાલે જિલ્લા પ્રવાસ કાર્યક્રમ અંતર્ગત સંસ્કૃતના વિકાસ માટે તાજેતરમાં એમ.એસ. યુનિવર્સિટી સ્થિત બરોડા સંસ્કૃત મહાવિદ્યાલયની મુલાકાત લીધી.આ મુલાકાત દરમિયાન ગુજરાત સરકારની સંસ્કૃત વિકાસ યોજનાઓ તથા ઉચ્ચ શિક્ષણ ક્ષેત્રે સંસ્કૃતના વિકાસ સંબંધિત વર્તમાન સમસ્યાઓ અંગે બરોડા સંસ્કૃત મહાવિદ્યાલય તેમજ સંસ્કૃત, પાલિ અને પ્રાકૃત વિભાગના અધ્યાપકો સાથે વિગતવાર ચર્ચા કરવામાં આવી. સાથે જ સંસ્કૃત શિક્ષણના ભવિષ્યના દૃષ્ટિકોણ અને યોજનાઓ અંગે વિચારવિમર્શ થયો.આ પ્રસંગે આર્ટ્સ બરોડા સંસ્કૃત મહાવિદ્યાલયના પ્રાચાર્ય પ્રો. હિતેશ રાવિયા, સંસ્કૃત વિભાગના અધ્યક્ષા ડૉ. શ્વેતા જેજુરકર, સંસ્કૃત મહાવિદ્યાલયના વિભાગાધ્યક્ષ ડૉ. સુરેશ પટેલ તેમજ અન્ય અધ્યાપકો ઉપસ્થિત રહ્યા હતા।
1 
0 
Average Rating