ઉમરગામ માં ઝોન સ્તરીય મહિલા સંત સમાગમ સંપન્ન।
1 
0 
મહિલા સશક્તિકરણ તથા આત્મિક ઉન્નતિ મહત્વપૂર્ણ*વાપી, ૨ માર્ચ ૨૦૨૬ – સતગુરુ માતા સુદીક્ષા જી મહારાજના દિવ્ય માર્ગદર્શન તથા પાવન આશીર્વાદથી સંત નિરંકારી મિશનના નેજા હેઠળ સુરત ઝોન દ્વારા ઉમરગામ ખાતે રામ કૃષ્ણા ક્રિકેટ મેદાન, સોળસુંબામાં ભવ્ય ઝોન સ્તરીય મહિલા સંત સમાગમનું આયોજન અત્યંત શ્રદ્ધા, ઉત્સાહ તથા આધ્યાત્મિક ગરિમા સાથે સંપન્ન થયું.આ આધ્યાત્મિક સમાગમમાં સુરત ઝોનના સાત સેક્ટરોમાંથી આશરે ૫૦૦૦થી વધુ મહિલાઓએ ભાગ લઈને આત્મિક ઉન્નયનની પ્રેરણા પ્રાપ્ત કરી. વાતાવરણ ભક્તિ, સમર્પણ તથા આધ્યાત્મિક ચેતનાથી ભરપૂર રહ્યું.જામનગરથી પધારેલા નિરંકારી જ્ઞાન પ્રચારક બહેન જ્યોતિ કમલજી એ સતગુરુ માતા સુદીક્ષા જી મહારાજનો સંદેશ સત્સંગ સમક્ષ રજૂ કરતાં કહ્યું કે મહિલા સશક્તિકરણ માત્ર સામાજિક કે આર્થિક ઉન્નતિ સુધી મર્યાદિત નથી, પરંતુ તેનું વાસ્તવિક સ્વરૂપ આત્મિક જાગૃતિ તથા અંતરમનની પવિત્રતામાં રહેલું છે.તેમણે કહ્યું કે જો ઘર-પરિવાર તથા સમાજમાં સૌહાર્દ, સમરસતા તથા આનંદમય વાતાવરણ સ્થાપિત કરવું હોય તો આધ્યાત્મિક મૂલ્યોને જીવનમાં આત્મસાત કરવું જરૂરી છે. પરમાત્માએ આપણને વાણીરૂપી અમૂલ્ય વરદાન આપ્યું છે, તેથી તેનો સદુપયોગ કરીને ઈશ્વરનું ગુણગાન કરીએ, નિંદા કે ટીકા નહીં.તેમના પ્રેરણાદાયી ઉદ્બોધનમાં ઉદાહરણ આપતાં તેમણે કહ્યું કે જેમ ખાલી ઘરમાં ચોર પ્રવેશી જાય છે, તેમ જ્યારે મનુષ્ય પોતાના જીવનમાંથી ઈશ્વર-સ્મરણને દૂર કરી દે છે, ત્યારે કામ, ક્રોધ, લોભ, મોહ, અહંકાર તથા ઈર્ષ્યા જેવા અવગુણ મનમાં પ્રવેશી જાય છે. આથી જરૂરી છે કે આપણે નિરાકાર પ્રભુ સાથે અટૂટ સંબંધ જાળવી રાખીએ તથા સતગુરુના વચનોને જીવનની પ્રાથમિકતા બનાવીએ. આનાથી જીવન સહજ, સરળ તથા સાર્થક બને છે.સમાગમ દરમિયાન ગીતો, ભજનો, કવિતાઓ તથા આધ્યાત્મિક વિચારો દ્વારા મિશનની માનવીય તથા સાર્વભૌમિક શિક્ષણોને સજીવ રૂપમાં રજૂ કરવામાં આવ્યા. કાર્યક્રમનો દરેક ક્ષણ ભક્તિ-ભાવ, આધ્યાત્મિક ઊર્જા તથા સકારાત્મક ચેતનાથી ઓતપ્રોત રહ્યો.અંતમાં ઉમરગામના સંયોજક શ્રી કિશોરભાઈ દેસાઈ જીએ જામનગરથી પધારેલા બહેન જ્યોતિ કમલજી નું સ્વાગત કર્યું તથા ઉપસ્થિત સમસ્ત સાધ-સંગત પ્રત્યે હાર્દિક આભાર વ્યક્ત કર્યો।
Average Rating