કેબીએસ એ નટરાજ કોલેજમાં મફત દંત તપાસ કેમ્પ નું આયોજન।
0 
0 
વાપી: અત્રે ચણોદ કોલોની સ્થિત કેશવજી ભારમલ સુમારીયા એન્ડ્ર નટરાજ પ્રોફેશનલ સાયન્સીસ કોલેજ, વાપીમાં કોલેજના રાષ્ટ્રીય સેવા યોજના (NSS) યુનિટના બેનર હેઠળ મૌખિક સ્વચ્છતા અને દંત સંભાળ પર એક સેમિનારની સાથે મફત દંત તપાસ કેમ્પનું આયોજન કરવામાં આવ્યું હતું. આ સેમીનારમાં શ્રી બિમલભાઈ ચૌહાણ(BJP Gen. Secretary, Vapi Notified) અતિથિ વિશેષ તરીકે હાજર રહ્યા હતા. આ સેમીનારનો ઉદ્દેશ્ય મૌખિક સ્વાસ્થ્યના મહત્વ વિશે જાગૃતિ લાવવા અને વિદ્યાર્થીઓ અને સ્ટ્રાફને મફત દંત સલાહ પૂરી પાડવાનો હતો. આ સેમિનારમાં ડૉ. સોનલ બંસલ (ડેન્ટ્સ સર્જન, કેપ ડેન્ટ્સ ક્લીનીક) એ તેમના વક્તવ્યમાં ભાગ લેનાર દરેક વિદ્યાર્થીઓને યોગ્ય બ્રશિંગ તકનીકો, દાંતના પોલાણને રોકવા, પેઢાની સંભાળ અને મૌખિક સ્વાસ્થ્ય અને એકંદર સુખાકારી વચ્ચેની કડી પર ખુબ ઊંડાણ પૂર્વકની મૂલ્યવાન સમજ તેમજ માહિતી પૂરી પાડી હતી. યોગ્ય લાયકાત ધરાવનાર દંત ચિકિત્સકોની ટીમ દ્વારા આયોજિત મફત દંત તપાસ કેમ્પથી -મોટી સંખ્યા વિદ્યાર્થીઓને લાભ મળ્યો હતો. આ સેમિનારનું આયોજન અને સંકલન (NSS) યુનિટના પ્રોગ્રામ ઓફિસર ડૉ. ખુશ્બુ દેસાઈ તેમજ NSS સ્વયંસેવકોની સક્રિય ભાગીદારી સાથે કરવામાં આવ્યું હતું. આમ દંત તપાસનો સેમીનાર અને મફત તપાસ કેમ્પ સફળ રહેતા કોલેજના આચાર્ય ડૉ.પૂનમ બી. ચૌહાણે વિદ્યાર્થીઓમાં આરોગ્ય જાગૃતિ ફેલાવવા માટે NSS યુનિટના પ્રયાસોની પ્રશંસા કરી અને દંત વ્યાવસાયિકોનો તેમની મૂલ્યવાન સેવા બદલ આભાર માન્ય।
Average Rating