દમણ ના સરલ પ્રજાપતિ ની ગુજરાત રણજી ટ્રોફી માટે પસંદગી।મારો માર્ગદર્શન અને સરલની મહેનત રંગ લાવી. (ક્રિકેટ કોચ ભગૂ પટેલ)
1 
0 
BCCI દ્વારા આયોજિત ઓલ ઈન્ડિયા ચાર દિવસીય રણજી ટ્રોફી ટુર્નામેન્ટના પ્રથમ તબક્કાની ચાર મેચ સમાપ્ત થઈ ચૂકી છે. સ્પર્ધાનો પાંચમો મેચ 16 નવેમ્બરથી શરૂ થશે, જેમાં દમણના સરલ પ્રજાપતિ ગુજરાત ટીમનું પ્રતિનિધિત્વ કરશે. ગુજરાત દહેરાદૂનમાં ઉત્તરાખંડ સામે પાંચમો મેચ રમશે. સરલના કોચ ભગૂ પટેલે સરલની પસંદગી પર ખુશી વ્યક્ત કરતા કહ્યું કે સરલ એક ખૂબ જ સારો ડાબોડી સ્પિન બોલિંગ ઓલરાઉન્ડર છે જેણે ગુજરાત માટે અંડર 14, 16, 19, 23 અને 25 જેવા તમામ વય જૂથોમાં સારું પ્રદર્શન કર્યું છે અને સમગ્ર ગુજરાતમાં એક સારા ક્રિકેટર તરીકે પોતાની ઓળખ બનાવી છે. ક્રિકેટ કોચ ભગૂ પટેલે વધુમાં કહ્યું કે સરલ ખૂબ જ મહેનતુ ખેલાડી છે જે બેટ અને બોલ બંનેથી સારું પ્રદર્શન કેવી રીતે કરવું તે ખૂબ સારી રીતે જાણે છે, અને મારી પાસે સરલ વિશે કહેવા માટે પૂરતા શબ્દો નથી. તે એક એવો ખેલાડી છે જેણે મારી સાથે ક્રિકેટમાં ઘણા પડકારોનો સામનો કર્યો છે અને પોતાને ઉત્તમ ખેલાડી તરીકે સાબિત કર્યો છે, તેથી સરલ પર મને ખૂબ ગર્વ થઈ છે. ક્રિકેટ કોચ ભગૂ પટેલે વધુમાં જણાવ્યું હતું કે સરલ ગુજરાત ક્રિકેટ એસોસિએશન દ્વારા તેમના પર મૂકવામાં આવેલા વિશ્વાસ પર ખરો ઉતરશે અને ગુજરાત ટીમ ને જીત અપાવવામાં મુખ્ય ભૂમિકા ભજવશે જેના પર મને પૂરો ભરોસો છે. સરલની પસંદગીથી દમણના ક્રિકેટ પ્રેમીયો, સરલ ના ચાહકો સરલ ના પરિવાર અને પુરા દમણ માં ખુશી ની લહેર દોડી ગઈ છે. અને બીજા ખેલાડીઓએ સરલ પાસેથી શીખ લેવી જોઈએ।
Average Rating